Nú leita ég til ykkar ... vantar hjálp!

Hvernig var næntísið????

Hvernig voru fötin ? 

Hvernig var hárið ? 

Hvernig voru skórnir ? 

Og bara hvernig var næntís ?

Svör óskast bæði í myndum og máli. 

Nýjasta lagið :)

Jæja. Þá er Sigurgeir Heiðar kominn með eitt ofboðslega leiðinlegt lag á heilann.!!!Hann er búinn að vera að horfa á Madagascar, og eins og margir vita þá er þar lag sem hljómar ca. "ég fíla dilla dilla.. ég fíla dilla dilla.. þið fílið að DILLA"!

finn það ekki á íslensku, en ég læt enska lagið hingað inn.

 

Núna er Sigurgeir Heiðar eitthvað slappur.. kvartaði áðan undan magaverk og er með hósta og MIKIÐ hor.. Vona að hann sé ekki að verða neitt veikur af "viti"

En ég er enganvegin í stuði til að blogga. :* 

Fullorðinsmatur og karlrembur!

Ég er ekki frá því að ég haldi að ég sé bara að fullorðnast :)
Ég er farin að borða svo margt sem að ég gat ekki með nokkru móti sett ofan í mig.
t.d. má nefna fetaost, sólþurrkaða tómata, alls konar grænmeti, annað en gúrku og papriku, jalapino, súrar gúrkur, kotasæla, sýrður rjómi (hef alltaf haft andstyggð á honum), gráðostur og svo er eflaust eitthvað fleira.

Svo er annað. Ég er farin að horfa á fréttir, kompás, kastljós, ísland í dag og 60 mínútur. Ekki það að ég horfi ALLTAF á það, en ég gerði það oft :)

Svo hitt.. karlremban heima hjá mér.!!!
Finnst ykkur ekki svolítil karlremba þegar hinn karlmaðurinn á heimilinu segir allt í einu "farðu að elda kona" ?
Þetta var fyndið fyrst, en svo er þetta eiginlega bara ekkert fyndið lengur.
Segir þetta algjörlega upp úr þurru... finnst þetta svoooooo leiðinlegt!!
og já... þess má geta að það er YNGRI karlmaðurinn sem segir þetta, og hann er einungis 2 ára!

Hvernig tröll er ég?

Partítröll

Þú ert nýjungagjörn, tilfinningarík félagsvera.
Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur.

Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu.

Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er.

Hvaða tröll ert þú? þetta er ss ég. Skora á þig að taka þetta "próf"

Þessi dagur varð ekkert betri!!

Eins og Kata sagði í athugasemdunum þá var hún eiginlega alveg viss um að dagurinn í dag yrði betri en dagurinn í gær.

Hann var jú betri en gær, en ekki mikið.

Byrjaði morguninn á því að fara í sturtu og fór svo til vinnu.
 Um korter yfir 11 hrigdi síminn, það var hún Kallý á leikskólanum, Sigurgeir Heiðar hafði dottið aftur af stól!!!!!!!

Hún sagði mér svo að hann hafi borðað bara vel og ekkert verið rásandi um og þannig, svo að ég lét það bara vera að sækja hann.
 Núna þegar ég skrifa þetta blogg er ég að horfa á strákinn með öðru auganu og sé að hann rásar pínulítið um. Hann labbar stundum eins og hann sé mígandifullur, og svo bara eðlilega þess á milli.

 En já, aftur að deginum.
    Klukkan 13.45 fór ég til tannskotans (tannlæknis). Hann byrjaði á því að yfirborðsdeyfa mig svo að ég myndi ekki finna jafn mikið fyrir því þegar að hann myndi deyfa mig með sprautunni.
Hann gerði það sem að hann þurfti að gera.... núna er deyfingin að fara úr og guð minn góður hvað ég finn til...

Þannig að í rauninni er dagurinn í dag ekkert mikið skárri en dagurinn í gær.

Kata var voðalega forvitin hvað lögreglan sagði þegar ég hringdi...

Ég sem sagt hringdi og sagði þeim hvað gengi á og að ég færi ekki hraðar en ég treysti mér til.
 Hann sagði bara að það væri allt í góðu og bað mig að setja "hassard" ljósin á svo að fólk myndi kannski frekar víkja fyrir mér. Ég gerði það. Svo tók hann bara niður hjá mér bílnúmer og hvernig bíl ég væri á, spurði mig um nafn og bað mig að láta sig vita þegar ég væri komin upp á sjúkrahús.

Ég gerði það og sagði honum að bæði ég og Sigugeir Heiðar værum lifandi og allt hafi gengið vel og þakkaði honum fyrir skilinginn :)

Það er alveg ótrúlegt hvað lögreglan getur verið samvinnuþýð.

Ég lít upp til þeirra

Er föstudagurinn 13 í dag eða???

Ég vaknaði í morgun og skutlaði stráknum mínum í leikskólann.
Svo fór ég í  mína vinnu og gerði það sem að ég gat.  Um korter yfir 9 var hringt í mig frá leikskólanum og mér var sagt að drengurinn hafi dottið af stól og skall fast með hnakkann í gólfið.. Spurðu mig hvort að hann hafi verið eitthvað slappur um helgina, því að hann sat bara og starði út í loftið, grét svo og starði svo bara meira.

Ég fór því úr vinnunni og sótti hann, með hjartað á þriðja hundraðinu og tárin í augunum. Á leiðinni hringdi ég í lögregluna og sagði þeim hver staðan væri og ég væri að keyra yfir löglegum hraða, en ég færi ekki hraðar en ég treysti mér, ég keyrði hraðast á 140 km/klst.
 Kom á leikskólann og spurði þær hvenær hann hafi dottið, þá datt hann svona korter yfir 8. Ég vissi ekki hvort að ég ætti að hlæja eða öskra... hefði vitanlega viljað að þær hringdu í mig um leið og hann datt.
 Fór svo bara á sjúkrahúsið á Selfossi og hann var skoðaður þar. Fékk líklega vægann heilahristing, sem betur fer. Svo fórum við bara heim og hann lagði sig.

Þegar við vorum stopp á Subway til að tala við hana Röddu ákváðum við bara að fá okkur að borða. Mamma kom svo og borðaði með okkur.

 Ég stóð úti og var að fylgjast með drengnum, kemur þá ekki sjúkrabíll með sírenur og læti, á flegi ferð. Nokkrum sekúndum eftir hringir síminn hennar mömmu, Afi í "Lollalö" (Þorlákshöfn) hringdi og sagðist hafa hringt á sjúkrabíl því að amma gamla hneig niður.
 Hún var flutt með sjúkrabíl til Reykjavíkur, og fór í rannsóknir þar.
Læknarnir komust að því að hún væri með of mikið af kalsíum í sér. Hún sem sagt var með kalsíum skort og fór að taka vítamín, bara greinilega aðeins of mikið.

 Ætli það komi eitthvað meira fyrir í dag?

Vonandi ekki *svitn* 

Uppgjör helgarinnar.

Jæja.. þá ætla ég að reyna að skrifa eitthvað um þessa langþráðu helgi :)

Á föstudeginum milli 9 og 10 fórum við mamma að sækja hestinn sem að ég fór á á móti safninu. Fórum með hann út í gerði og hann beið þar :)
 Um 1 leitið fórum við mamma á Kjóastaði að sækja 3 önnur hross sem að Sigrún, Ólöf og Dagmar fóru á.
 Um 3 leitið fórum við galvaskar af stað. Vorum komin tæpa 500 metra frá húsinu þegar að frænkan og mágkonan þurftu að pissa.... Þoli ekki kvenfólk og áfengi.. alltaf mígandi..
Þær fengu að pissa.. svo héldum við áfram á móti safninu. 
 Rúmlega kílómeter frá húsi var Dagmar orðin mígandi full...  Hún er sko ekki lengi að þessu.
Við mættum safninu rétt við Kjarnholt. Þar snérum við við og héldum í átt að réttunum. Ég gafst fljótlega upp á hrossinu sem að ég var á, við eigum klárlega ekki skap saman. Hann ætlaði alltaf að fara að prjóna með mig og þannig vesen. Þannig að ég hitti Sjöfn og fékk Vestmann hjá henni. Það gekk mikið betur.
  Undir lok þessa dags var ég farin að finna heilmikið á mér  

Fór svo bara að sofa um 10 leitið til að mæta í réttir daginn eftir. 
 Um nóttina dreymdi mig svo fallegann strák.. hann hét Erik. Vaknaði svo við Dagmar að vekja mig :(

Á laugardagsmorguninn klæddi ég mig og fór yfir til ömmu og afa í morgunkaffi... mmmm það er svooo gott :) 
 Mætti svo í réttir eftir að vera búin að blanda búsið ;);)

Gísli(litli) bróðir var orðinn ansi fullur innan við klukkutíma með sinni 70/30 blöndu. Ég hins vegar ákvað að fara aðeins hægar í þetta... enda klukkan bara 9. 
Réttirnar gengu algjörlega slysalaust fyrir sig.
Við fengum nýja hestinn okkar. Hann Mannskaða-Rauð. Þrátt fyrir nafnið reið ég honum heimog hafði gaman af. Þæginlegur og góður hestur.

Um kvöldið fór ég svo á ball með Jóhannesi, Gísla, Dagný, Dagmar og Ólöfu. Það var ógeðslega gaman framan af, ég orðin ansi vel kennd. Þangað til að ég kíkti út.... þá voru slagsmál úti. Ég þurfti auðvitað að blanda mér í það, þar sem að ég nú þekkti fólkið. 

Það var ss þannig að strákurinn gekk berserksgang og lamdi konur og menn. Auðvitað var það ekkert hægt, og þá kom Skúli Steins djúníor til bjargar, hann stoppaði drenginn og við ætluðum að koma honum inn í bíl. Ég hélt hurðinni opinni til að opna betur svo að Skúli gæti hent honum inn... Þá ákvað drengurinn að sparka í hurðina og hendin á mér varð á milli. Ég að sjálfsögðu brjálaðist en lamdi hann nú ekki. En ég hins vegar jós yfir honum orðin. Stundum er það verra, en í þessu tilfelli var mér skítsama...
 Á endanum komum við honum inn í bíl, og settum barnalæsinguna á (sem að við hefðum ekki átt að gera) því að drengurinn braut rúðuna á bílnum.
 Ég hringdi svo í lögguna, og þær komu fljótlega.

Ef að ég á að gefa einhverjum hrós þá fær Skúli Steins djúníor það. Hann stóð sig svo vel, og því hefur álti mitt á honum hækkað allverulega.

En það sem að ég græddi eftir helgina voru margar flísar úr höndinni, fillerý, drama og hross.

Ég er sátt við allt nema drenginn. 

 Ég blogg betur seinna þegar ég er komin úr umbúðum og búin að sofa almennilega úr mér :)

Kveðjur frá  8 finger Ólöf :)

Ég er hætt við!!!! *snökt*

Eða þannig sko !!

Ég er samt hætt við að fara í fjósið með gömlu.. Ég sá sko STRAX eftir því þegar ég skrifaði færsluna.!

En... svo að ég komi nú að því !!!

 

Á morgun... góði lesandi !! Á friggin morgun!!

 

Fer ég á móti safninu! og svo á hinn fer ég í réttir.

Mikil óskup sem mig hlakkar til !! 

Ég fer upp í sveit á eftir.

Planið í dag:

Vinna frá 8-tæplega 4.
Fara í ríkið.
Fara heim. 
Skrifa eitt blogg.
Ná í drenginn á leikskólann.
Fara aftur heim.
Finna mig til fyrir helgina.
Leggja mig smá.
Fara til Ollu á einhverja kynningu.
Bruna uppí sveit.
Sofa, sofa, sofa mjög mikið og vel :)

Þannig verður dagurinn minn :D 

Adios!!... Blogga sko EKKI fyrr en eftir helgi :D 

Óskið mér nú góðrar skemmtunar!! :D

Love love and hug hug :* 

 

Ég bara verð að fá að tjá mig...

Hvert annað get ég leitað þegar eitthvað svona stendur á!!!!! ?? ? ?

 

 Það eru bara 2 nætur, svo fer ég á móti safninu... svo eru það 3 nætur og þá fer ég í réttir!

ég er alveg að missa mig eins og þið kannski sjáið :D

 

Fæ ég knús ?  

Langaði bara að benda á það að .......

Það eru bara 3 dagar í að ég fer á móti safninu og 4 dagar í réttir :D

 

Eins og þið kannski sjáið, þá er ég að tapa mér úr spenningi.

Er að gera yfirkonuna mína, hana Röddu nett brjálaða og samstarfskonuna mína, hana Ollu líka. 

En mér er alveg skítsama!!! :D

 

Já, ég er eiginlega búin að plana þetta allt saman... Fer upp í sveit, vonandi á fimmtudaginn.

Sef þá þar. Vakna svo eldspræk á föstudagsmorguninn, fer kannski í fjósið með þeirri gömlu þar sem að sá gamli er á fjalli. Legg mig svo eftir fjós. Fer og næ í hrossin. Geri allt klárt og tek svo á móti stelpunum, svo gera þær sig klárar og ef að allt mun standast, þá er planið að leggja af stað rétt uppúr 4 á föstudeginum.

 

Pabbi gamli datt af hestbaki á fjallinu. Sem betur fer var það nú ekki svo alvarlegt. En hann ætlar sér ekki aftur á bak fyrr en á föstudaginn.

Það vildi svo til að hesturinn sem hann var að teyma (Skrúður) hrasaði og fældi hestinn sem að pabbi var á. Hann datt því af baki.

Hann er bara í bílnum á meðan, sem er ekki síður mikilvægt.

 

Vitiði, einhvern daginn ætla ég að fara á fjallið.

Þegar ég er komin á ágætis form mun ég gera það. Kannski þegar að pabbi verður orðinn of gamall fyrir þetta ;)

 

Sigurgeir Heiðar er ekki ennþá farinn að sofa. Hann er bara í blússandi fjöri :)

Mér finnst það svo sem allt í lagi. Hann er hvort eð er alltaf vaknaður um 7 leitið á morgnanna.

 

Ég hitti konu áðan sem er að vinna á leikskólanum sem hann er á. Hún fór að segja mér að hún vildi sem oftast sitja á borðinu sem Sigurgeir Heiðar situr við í matartímanum.

Ég spurði hana hvers vegna það væri.

Þá sagði hún mér það að henni þætti svo ofsalega gaman að gefa honum að borða.

Hann borðar svo fallega og borðar svo vel. Henni finnst það alltaf jafn gaman :D

 

Mér leið ekkert smá vel. Vitandi það að barnið er allavega ekki að svelta á meðan  

 

 

 En já, svo að ég komi því á framfæri...

 

Það eru bara 3 dagar í að ég fer á móti safninu og 4 dagar í réttir :D