Fullorðinsmatur og karlrembur!

Ég er ekki frá því að ég haldi að ég sé bara að fullorðnast :)
Ég er farin að borða svo margt sem að ég gat ekki með nokkru móti sett ofan í mig.
t.d. má nefna fetaost, sólþurrkaða tómata, alls konar grænmeti, annað en gúrku og papriku, jalapino, súrar gúrkur, kotasæla, sýrður rjómi (hef alltaf haft andstyggð á honum), gráðostur og svo er eflaust eitthvað fleira.

Svo er annað. Ég er farin að horfa á fréttir, kompás, kastljós, ísland í dag og 60 mínútur. Ekki það að ég horfi ALLTAF á það, en ég gerði það oft :)

Svo hitt.. karlremban heima hjá mér.!!!
Finnst ykkur ekki svolítil karlremba þegar hinn karlmaðurinn á heimilinu segir allt í einu "farðu að elda kona" ?
Þetta var fyndið fyrst, en svo er þetta eiginlega bara ekkert fyndið lengur.
Segir þetta algjörlega upp úr þurru... finnst þetta svoooooo leiðinlegt!!
og já... þess má geta að það er YNGRI karlmaðurinn sem segir þetta, og hann er einungis 2 ára!

Athugasemdir

[Brynja Dögg Ívarsdóttir, 25.9.2008 kl. 17:07]

Hæ, elsku drengurinn, hann hefur þetta á hreinu greinilega.

[Rúna Guðfinnsdóttir, 25.9.2008 kl. 17:13]

Það pirrar mig að vera kölluð "kona" SBR: Hvað er þetta kona, skilur þú þetta ekki?"

Mér finnst alltaf votta fyrir lítilsvirðingu þegar svona er tekið til orða!         Kveðjur til þín!

[Sporðdrekinn, 25.9.2008 kl. 21:54]

Ég samgleðst þér, þetta er góður matur sem að þú ert nú komin með "þroska"  til að borða.

Segðu honum bara að gera það sjálfur, það lækkaði rostann í mínum ungum  

[Ólöf Anna Brynjarsdóttir, 26.9.2008 kl. 12:48]

Já, ég hef reynt það.... trúðu mér.

Svo líka... ef að ég myndi segja honum það, þá myndi hann baaaara hafa gaman af því :(

[Sporðdrekinn, 26.9.2008 kl. 14:13]

Ef að þér finnst þetta í alvöru svona leiðinlegt þá sest þú niður með guttann og á meðan að þú horfir framan í hann og lætur hann horfa á þig. Þá útskýrir þú fyrir honum að þér finnist ekki gott þegar að hann segi svona, að það særi þig. Það er ótrúlegt hvað krakkar skilja mikið og ef að svipurinn þinn segir það sama og munnurinn þá fattar hann það betur.

Er einhver annar sem talar svona við þig? Ég meina heyrir strákurinn einhvern tala svona við þig og heldur því að þetta eigi að vera svona?

[Ólöf Anna Brynjarsdóttir, 26.9.2008 kl. 14:57]

Nei, ekki svo að ég heyri allavegana.

Mig langar samt að kenna mínum elskulega bróðir um þetta. Kæmi mér ekkert á óvart ef að hann hefði kennt honum þetta. 

[mamma (IP-tala skráð) 28.9.2008 kl. 12:36]

hvert er vandamálið????

drengurinn er endalaust skemmtilegur og þetta er bara eitt af þeim yndislegu gullkornum sem koma frá honum