Það var logið að mér þegar ég var barn....

Og ég held hefðinni áfram og lýg að barninu mínu.

Þegar ég var ung og sæt sveitastelpa var stöku sinnum svið í matinn. Ég var örugglega ekkert frábrugðin öðrum börnum og vildi alls ekki borða lömbin mín (kindurnar). Móðir mín gamla tók því á það ráð að segja mér að þetta væri api.
Mér fannt það greinilega öllu skárra og borðaði "apana" með bestu lyst. Eins og ég hefði aldrei fengið að borða áður skilst mér.

Einhvern tíman seinna var súpa í matinn. Blómkálssúpa, sveppasúpa, þetta hljómaði greinilega ekki nógu vel fyrir mig, en gíraffasúpa og fílasúpa hljómaði mun betur og ég borðaði "gíraffasúpuna" með bestu lyst.
Ég man meira að segja ennþá eftir þessu atviki.

Núna þurfti ég að grípa til örþrifaráða, ég eldaði grjónagraut.
Sonurinn vildi sko alls ekki sjá það að borða hann. En þegar ég tjáði honum það að þetta væri "Stubba-búðingur" (eins og Stubbarnir borða), þá borðaði hann meira en ég. Hann borðaði leyfarnar mína, hann bjó til 3 heimstyrjöldina. Hann var svo góður þessi "Stubba-búðingur", hann sullaðist út um ALLT eldhús því að syninum fannst þetta svo gott. En það er í lagi að það gerist, bara að hann borði.

Segið svo að Stubbarnir geri ekki sitt gagn.
Sigurgeir meira að segja dansaði "búmmbúmm dansinn". Hann er ótrúlega spes, hann fellst aðallega í því að hrista rassinn. Sem og Sigurgeir gerði með glæsilegum tilþrifum.

Jæja, ég ætla ekki að hafa þetta lengra.

Ólöf Anna Stubba-búðings meistari.

Athugasemdir

[Sporðdrekinn, 4.3.2008 kl. 00:09]

Stubba-búðingur hljómar nú bara nokkuð vel  en apahaus... nei takk

[Rúna Guðfinnsdóttir, 4.3.2008 kl. 00:18]

Svona sálfræði svínvirkar. Dóttir mín vildi alls ekki borða kartöflur en þegar við buðum henni jarðepli varð hún voðalega spennt og borðaði tvö slík

[mamma lygari !!! (IP-tala skráð) 4.3.2008 kl. 12:09]

Gleymdu ekki geitunum sem voru laaaang bestar.

[Unnur (IP-tala skráð) 4.3.2008 kl. 18:00]

MMM hljómar gómsætur..
Nenniru að elda svona handa mér?
Mig hefur alltaf langað að smakka stubbabúðing! ;*

[Mamma matargikks (IP-tala skráð) 4.3.2008 kl. 21:47]

Takk fyrir, ég ætla að nota þessa hugmynd á gikkinn minn. Stelpan á eftir að borða hvað sem er með bestu lyst, synd að manni hafi ekki dottið þetta sjálfri til hugar fyrr:)

[Alma Ösp (IP-tala skráð) 7.3.2008 kl. 12:43]

OMG HATA ÞETTA LYKLABORÐ!

eg elska bloggin þín ^^ haha snilld!

[heba (IP-tala skráð) 9.3.2008 kl. 21:43]

ohh.. núna langar mér í grjónagraut. :)